კაკაში ჰატაკე / Copy Ninja

კაკაში ჰატაკე / Copy Ninja

  • ავტორი: Konan
  • ნახვები: 8 976
კაკაში ჰატაკე - სოფელში მას ბავშვობიდანვე გენიოს შინობად თვლიდნენ. მესამე ჰოკაგემ მასში ნიჭი თავიდანვე აღმოაჩინა, სწორედ ამიტომ მინატო ნამიკაზეს სთხოვა კაკაში თავის დაქვემდებარებაში ჰყოლოდა. მინატოს რაზმში ასევე ირიცხებოდნენ ობიტო უჩიჰა და ნოჰარა რინი. მესამე მსოფლიო ომის დროს რაზმის მისია კანაბის ხიდის აფეთქება იყო, რათა მტერს წინსვლის საშუალება არ ჰქონოდა. ამასობაში რაზმის ხელმძღვანელს ბრძოლის სხვა ეპიცენტრში წასვლა მოუწევს და მისიის ხელმძღვანელად კაკაში ჰატაკე დაინიშნება. მისიის შესრულებისას მტერი რინ ნოჰარას გადატებას მოახერხებს. ობიტო უჩიჰა მაშინვე რინის დასახსნელად წასვლას გადაწყვეტს, მაგრამ კაკაშისთვის მთავარი მისიის შესრულება აღმოჩნდება, რაც მამამისთან დაკავშირებული ისტორიიდან გამომდინარეობს: საკუმო ჰატაკემ, იგივე კონოჰას თეთრმა ეშვმა მეგობრების გადასარჩენად კონოჰას ბრძანება არაფრად ჩააგდო, რამაც სოფლის შინობებში უკმაყოფილება გამოიწვია. ყოველივე ამას თეთრმა ეშვმა ვერ გაუძლო და თავი მოიკლა. სწორედ ამიტომ, კაკაში ყოველთვის წესებით ცხოვრობდა და პირველ ადგილზე მისიას აყენებდა. თუმცა ობიტოს სიტყვებმა მისი შეხედულებები მთლიანად შეცვალა. მისი თქმით: "ის შინობი რომელიც წესებს არღვევს ნაგავია, ხოლო ის ვინც მეგობრებს განსაცდელში მიატოვებს ნაგავზე უარესი". ობიტოს მიაჩნდა, რომ კაკაშის მამა ნამდვილი გმირი იყო.
 

    რინის დახსნის დროს ობიტო კაკაშის გადასარჩენად თავს გასწირავს, მეგობარს ჯონინის წოდების მიღებასთან დაკავშირებით საჩუქრად თავის შარინგანს გადასცემს და სთხოვს გაუფრთხილდეს რინს. (ამ მისიის შემდეგ, მთელ ნინძათა სამყაროში კაკაშიმ სახელი გაითქვა, როგორც კონოჰას ქოფი ნინძამ, რომელსაც ათასზე მეტი ტექნიკა ჰქონდა დაკოპირებული). ამის შემდეგ, წვიმის სოფლის შინობები ნოჰარა რინი გაიტაცებენ მასში სამკუდა ურჩხულის ჩასამწყვდევად და მისი საშუალებით კონოჰაგაკურეს გასანადგურებლად. ამის გამო რინი წვიმის სოფლის შინობს გადაეფარება და სანამ  სოფელს მიუახლოვდებიან რაიკირის საშუალებით კაკაშის თავს მოაკვლევინებს. კაკაშის კი განცდილი მძიმე ემოციისგან მანგექიუ შარინგანი გაუაქტიურდება.  ყოველივე ამის შემდეგ კაკაში ძალიან შეიცვლება, ის თითქოს წყვდიადში ჩაიძირა და გარშემომყოფების მიმართ გულცივი და სიტყვაძუნწი გახდება, თან მინატო ნამიკაზეს სიკვდილიც დაემატება და კაკაში თავის თავში უფრო ჩაიკეტება, მაგრამ ჯერ კიდევ მინატო ნამიკაზეს სიცოცხლეში მისივე რეცომენდაციით, ასაკის მიუხედავად ის ანბუს წევრი ხდება და შემდეგ უკვე ანბუს ელიტური რაზმი რო-ს კაპიტანიც (რომელიც უშუალოდ ჰოკაგეს დაქვემდებარების ქვეშ იყო). შემდგომში კი ის რაზმი 7-ის ხელმძღვანელად დაინიშნება და ეს ფაქტი მასზე სასიკეთო გავლენას მოახდენს. მისი ახლი გუნდის წევრები იქნებიან უზუმაკი ნარუტო,  ჰარუნო საკურა და უჩიჰა სასკე. ნარუტოსთვის კი კაკაშის (ობიტოს) სიტყვები გახდება მთავარი შთაგონების წყარო - დაიცვას ყველა მეგობარი. 
 
 
    გარკვეული დროის გასვლის შემდეგ შინობთა სამყარო მუდმივი ცუკუიომის საფრთხის ქვეშ აღმოჩნდება, რომლის გააქტიურებასაც მისი მეგობარი, ობიტო უჩიჰა აპირებს... ის, ვინც ყველას მკვდარი ეგონა და შინობთა გაერთიანებულ მეოთხე მსოფლიო ომში კაკაში დაინიშნება შინობთა გაერთიანებული არმიის ერთ-ერთ გენერლად, რომელიც ომის მოგებაში დიდ წვლილს შეიტანს. მის ღვაწლს შინობთა სამყაროს შემქმნელი, ნინშუს დამაარსებელი ჰაგორომო ოცუცუკიც კი აღნიშნავს. მისი სიტყვებით, რომ არა ის, ვერც ნარუტო და ვერც სასკე (რომლებიც შინობთა სამყაროს უძლიერეს ნინძებად ჩამოყალიბდნენ) ვერ მოახერხებდნენ სამყაროს მთავარი მტრის, კაგუია ოცუცუკის ჩაბეჭვდას. ამ ომში, კაკაშის თქმით წარსულს ჩაბარდა "შარინგანის კაკაში", ოდნავ მოგვიანებით კი მას კონოჰაგაკურეს მეექვსე ჰოკაგედ აირჩევენ. თავისი ჰოკაგეობის პერიოდში კი ის კიდევ ერთხელ თავის მნიშვნელოვან წვლილს შეიტანს მსოფლიოს განადგურებისგან ხსნის საქმეში, როცა ტონერი ოცუცუკი მთვარეზე მანიპურირებით დედამიწაზე მის დაჯახებას დააპირებს.
 
  
 
 
 
 
 
 
 
 
 
 
 
 
 
 
 
 

კომენტარები 0